عايزة شعرك يبقى كانه اتعمل بالفير ادخلى مش هاتندمى

بسم الله الرحمن الرحيم

السلام عليكم ورحمة الله وبركاته

والله حبيباتى انا من مدة لاقيت وصفة للشعر تخليه كانه اتعمل فير او سيشوار

وماعليكى بعد غسله الا يادوب تلفيه واتفرجى بعدها

بس انا مش هاكتبها الا لما تدعوا لى بظهر الغيب ان ربنا يفك كربى وهمى

منتظرة ردودكم حبيباتى

_________________

من غير ناتقولي حبيبتي علي الوصفه

انا ادعيلك

ربنا يفك كربك ويفرج همك الله ااااااااااااااااااااامين

ويسعدك في الدنيا والاخرة
_________________

الله يفرج همك وكربك يا عبورة الغالية

ونشوفك دائما بأحسن حال

الله يسعدك دنيا وآخرة ويمتعك بأهلك وأحبابك

اللهم آمين

واياكم حبيباتى التائبة

وياسمينا

واليكم الوصفة ويارب تنفعكم باذن الله

اولا الطريقة انا كنت جبتها من النت وفعلا رائعة جدا جدا وانا الى الان ماشية عليها

المقادير
فنجان قهوة سمسم متحمص يعنى اشترى السمسم وحمصية فى طاسة وبعدين اطحنية زى البودرة + علبة زبادى + معلقتين مايونيز
الاستخدام
ضعى الخليط على شعرك من ساعتين الى اربع ساعات والبسى بونية وبعدين اغسلى شعرك عادى جدا وانتظمى على استخدامها مرة فى الاسبوع ان شاء الله هتحسى بالفرق ومرة بعد مرة بتلاقى شعرك
انا والله من اول مرة شعرى بقى غريب لدرجة ان اى حد يشوفه يفتكرنى عاملة فير او سيشوار

بس بعد الغسل بالشامبوة والبلسم لفيه ولما ينشف شوفى النتيجة واى سؤال انا معكم وباذن الله هاجيب لكم وصفات اخرى بس الاول جربوا دى منتظرة ردودكم حبيباتى
_________________

ماشاء الله
ربنا يبارك فيكِ ياعبورة
ويارب يفك كربك ويفرج همك
وصفة سهلة جدا
وفي وقتها وان شاء الله اجربها
بس عندي سؤالين
الأول: بعد غسيل الشعر بالشامبو استعمل زيت او كريم شعر
وايه افضل الانواع
الثاني:هل اكرر الوصفة لفترة معينة والا باستمرار؟؟
وجزاكِ الله كل خير
_________________